Арцём Кавалеўскі

Арцём Кавалеўскі (нар. 1979, Мінск), паэт, перакладчык, журналіст.У 2001 г. скончыў факультэт журналістыкі Беларускага дзяржаўнага універсітэта. У 2004/2005 гг. навучаўся на факультэце паланістыкі Ягелонскага універсітэта (Кракаў, Польшча) у рамках стыпендыяльнай праграмы Ураду Польшчы для маладых навукоўцаў. У 2005 годзе скончыў аспірантуру БДУ. Працуе рэдактарам аддзела мастацкай літаратуры ў часопісе "Бярозка" і выкладчыкам на кафедры літаратурна-мастацкай крытыкі БДУ, займаецца даследаваннем праблемаў інтэрпрэтацыі і аналізу сучаснай паэзіі. Жыве ў Мінску.Сябра Саюзу беларускіх пісьменнікаў. Пачынаючы з 1996 г. рэгулярна публікаваў свае творы ў літаратурных выданнях Беларусі ("Першацвет", "Маладосць", "Беларусь", "Літаратура і мастацтва" etc.). Мае досвед працы рэдактара і сцэнарыста дакументальнага кіно.Аўтар вершаў да зборніка літаратурна-мастацкіх паштовак «Горад. Шпацыр. Словы», 2001, кніг «АдмыСЛОВЫя гульні», 2003 (паэзія), «Аддаленасць і Адданасць», 2008 (паэзія і лірычная проза) і «Мой сябра анёлак», 2010 (паэзія для дзяцей). Вершы з кнігі «Мой сябра анёлак» былі пакладзеныя на музыку Змітра Вайцюшкевіча і сталі асновай аднайменнага супольнага музычнага праекта з удзелам салістаў і музыкантаў з гуртоў "Дзецідзяцей", "Босае сонца", "Маўзер", "Дыліжанс", "Серебряная свадьба", "RockFolk" і інш.Удзельнік нефармальнага літаратурна-мастацкага руху "Бум-Бам-Літ", стваральнік і тэарэтык логафармізму, творчага метаду сучаснай візуальнай паэзіі. Займаецца літаратурным перакладам з польскай мовы, неаднаразова браў удзел у перакладчыцкіх майстэрнях і семінарах Міжнароднай гуманітарнай школы ў Варшаве. У 2000 г. атрымаў прэмію Саюзу беларускіх пісьменнікаў "Супервобраз XXI стагоддзя" за цыкл вершаў. У 2004 г. прадстаўляў Беларусь на Міжнародным літаратурным фестывалі "Vilenica" (Славенія).Творы Арцёма Кавалеўскага перакладаліся на англійскую, нямецкую, шведскую, славенскую, польскую і літоўскую мовы.
На нашем книжном сайте Вы можете скачать книги автора Арцёма Кавалеўск? в самых разных форматах (epub, fb2, pdf, txt и многие другие). А так же читать книги онлайн и бесплатно на любом устройстве – iPad, iPhone, планшете под управлением Android, на любой специализированной читалке. Электронная библиотека КнигоГид предлагает литературу Арцёма Кавалеўск? в жанрах .